???????????

Hek baat pe kehte ho tum ke 'too kya hai' ?
tumhee kaho ke yeh andaaz-e-guftgoo kya hai
Na shole mein yeh karishma na barq mein yeh ada
koee batao ki woh shokh-e-tund_khoo kya hai
Yrashk hai ki wo hota hai ham_sukhan tumse
waarna khauf-e-bad_aamozi-e-adoo kya hai
Chipak raha hai badan par lahoo se pairaahan
hamaaree jeb ko ab haajat-e-rafoo kya hai ?
Jalaa hai jism jahaan dil bhee jal gaya hoga
kuredate ho jo ab raakh, justjoo kya hai
ragon mein daudte firne ke ham naheen qaayal
jab aankh hee se na tapka to fir lahoo kya hai ?
Woh cheez jiske liye hamko ho bahisht azeez
siwaay baada-e-gul_faam-e-mushkaboo kya hai ?
Piyoon sharaab agar khum bhee dekh loon do chaar
yeh sheesha-o-qadah-o-kooza-o-suboo kya hai
Rahee na taaqat-e-guftaar, aur agar ho bhee
to kis ummeed pe kahiye ke aarzoo kya hai